Utumiaji wa Gilasi za kisasa 101
Bar glassware 101

Click here to read
this in English

By Miriam
Nimechagua gilasi chache za kuongelea katika ukurasa huu. Nategemea wote tunajua gilasi za bia, Konyagi na vinywaji vingine. Siku hizi kuna gilasi za aina nyingi sana ambazo kwa kusema ukweli huziitaji. Kama ukitaka kunywa brandy, whiskey au spirits, tumia gilasi zile fupi kama inchi 4 kwa urefu na upana wa inchi 3 - 4 hivi. Kizungu zinaitwa OLD FASHIONED DOUBLE. Hizo zinapatikana sana Afrika Mashariki. Lakini kama uko nje na una pesa za kupoteza, tafuta gilasi zilizotengenezwa na kampuni ya Riedel au Mikasa. Riedel ni gilasi nzuri sana za ustaarabu na hali ya juu, nazipenda sana.
Red and white wine glass

DIVAI
Red wine glasses ndivyo zinavyojulikana kizungu. Gilasi za mvinyo mwekundu ni kubwa sana kulinganisha na gilasi za mvinyo mweupe. Huwa ni za duara na pana chini. Utazijua tuu kama ukiziona.
White wine glasses hizi ni nyembamba kidogo na duara lake chini si kubwa sana kama gilasi za mvinyo mwekundu.

Kuna gilasi za mvinyo ambazo si pana sana wala si nyembamba kama gilasi za mvinyo mweupe. Hizo unaweza kutumia kwa divai ya rangi yoyote. Ukiwa dukani ulizia. Pia makampuni mengi wanaandika kwenye boksi au kasha.

MULTIPURPOSE GLASSES
Zinatumika kuhudumia maji ya kunywa, maji ya machungwa, Divai na kila kinywaji unachotaka. Hizi ni gilasi nitakazokushauri ununue. Hautapoteza pesa kununua gilasi za aina zote. Nilipopewa maji ya machungwa kwenye gilasi ya divai, nafikiri wenyeji wangu walifikiri wanatumia MULTIPURPOSE GLASS. Kama nilivyosema mwanzoni, ulizia dukani kabla ujanunua.

Hizi gilasi zipo za rangi na aina tofauti, Lakini nitakushauri ununue ambazi hazina rangi, maana watu wengi wanapenda kutumia gilasi nyeupe kunywa divai. Hata mimi naona divai kwenye gilasi ya rangi haina utamu.

 Multipurpose glass
CHampagne

CHAMPAGNE GLASS
Kuna aina mbalimbali za gilasi hizi. Na uzuri wake, pia zipo za plastiki, na huwezi ukajua kama si za kioo. Nachopendea ni kwamba kama unasherehe ya mwaka mpya na una wageni wengi nyumbani. Si vizuri kupoteza pesa kununua gilasi za kioo. Nunua za plastiki maana inawezekana ukazitumia maramoja kwa mwaka. Lakini si vibaya kuwa na seti nzuri kama unapesa.

ICE BUCKET
Hiki ni chombo ambacho sijui kama watu wengi huko Afrika wanajua. Lakini kama uko kwenye mji ulio na joto sana hakikisha ukisha gawa barafu tu, rudisha ice bucket kwenye friji.

Ice bucket hutumiwa kuhudumia barafu ukiwa na wageni. Si vizuri kuhudumia barafu kutumia bakuli la mboga. Ice bucket siku hizi zinapatikana, za mbao (Jua kali anaweza kukuchongea), bati, copper na kuendelea. Mimi napenda kutumia ice bucket ya kioo. Kama huoni madukani. mtafute mkubwa wa duka au super market wana weza kuzileta wakijua watu wanazihitaji. Lakini kama uko kwenye nchi za kitajiri, ice bucket zinapatikana hata kwenye dollar store.

Margarita and Martini

MARTINI
Wakati naishi Kenya na wazazi wangu, tulikuwa tunapenda Martini. Na nikagundua wakenya wengi tuliokuwa tunawatembelea walikua wanapenda martini. Lakini walikuwa wanatumia gilasi za Divai.
Gilasi ya martini ina shepu pana ya "V". Najua hizi gilasi zinapatikana kwenye nchi zetu.

MARGARITA
Huku Amerika watu wanapenda sana margarita. Lakini siku hizi, wataalamu wametengeneza gilasi ya pekee ya Margarita. Ingawa mimi naona ni njia nyingine inayowawezesha wenye viwanda kuuza vyombo zaidi, lakini ni vizuri kufatilia sheria za vinywaji. Ukinywa margarita, usisahau kutumia glasi hii ambayo ni nzuri sana. Pia gilasi hizi zinaweza kutumiwa kwa desserts (vyakula vitamu tamu).
Gilasi nyingine za aina hii ni fupi, zinajulikana kwa jina Coupette glass. Coupette zinatumika kwa vinywaji kama vya matunda, daiquiris, Pina Colada na Amaretto Ice Cream.

DESSERT BOWL
Ni vizuri kutumia na Ice cream, saladi ya matunda, na vitu vingine vitamu tamu. Si lazima uwe na dessert bowl, lakini ni vizuri kuwa nayo kama unataka kuonekana ni mtu wa kisasa. Mimi nina moja tu ya mtoto wangu ambaye anapenda vitu kama hivi. Wageni wangu wanatumia bakuli za kawaida za kitindamlo. Hili bakuli linafanya meza yako ipendeze. Hii picha kulia kwangu inaonekana kubwa kuliko ukubwa halisi wa bakuli hilo.
Ice cream na shira ya maembe

Dessert glass
Highball Glass

HIGHBALL GLASS
Sita sema mengi kuhusu Highball gilasi. Najua wote tunazijua hizi gilasi na pia tunazo nyumbani. Highball gilasi ni ndefu na nyembamba kidigo. Zinatumika kwa soda, maji ya matunda, maji, na michanganyiko ya vinywaji mbalimbali kama, Bloody Mary, Blue Spring, Screwdriver, Gin Sling na vinginevyo.

OLD FASHIONED GLASS
Hizi gilasi za Old Fashioned pia zipo siku nyingi sana. Ni fupi na pana. Zina tumika kwa Maji ya matunda, Cocktails na vinywaji mchanganyiko kama Gimlet, Black Russian etc.